Det har vore litt skrint med Kinn i hyllene rundt omkring i sommar. Dette har det vore to grunnar til. Utvidinga som vi har kommentert i ein annan artikkel og det at dei har produsert ein del øl som dei har gitt den lagringa dei meiner det treng for å bli best mogleg.
Dette er noko av grunnen til at det ikkje kjem Tomasmesse i polhyllene i år. Dei betrakta den som god då dei sende den ut til jul i fjor, men meiner at den er so mykje betre no at de har sett heile årets produksjon til lagring, for å sende den ut neste vinter.
Vi treng heldigvis ikkje vente så lenge på nytt godt øl frå Kinn. Byggvinen, «Ivar Aasen-øl» (10,5%), som dei brygga i februar er klar for sal og ein skal ikkje bli overraska om ein finn denne på velassorterte skjenkestadar utover hausten. Det at den kjem som cask ale på bryggefestivalane på Grünerløkka, i Bergen og på Nærbø vil nok heller ikkje plaga våre lesarar som skal på ein av desse.
I vinter brygga dei og to staute øl som dei har vore litt gnitne på å senda ut. «Gamleguten» (lys staut på 7%) og «Prestesonen» (brun staut på 6%) har nytt godt av eit roleg liv i hyllene på lageret, men er no klare for utsending med sine avrunda maltsmakar. Begge blir også å få på dei nemnde festivalane.
The post Kinn tek lagring på alvor appeared first on Ølportalen.
.jpg)
.jpg)
